Жетісу өңірінде ветеринария саласында заманауи технологиялар енгізілуде

Жетісу облысында 1010 ветеринар маман еңбек етуде, олардың 10-ы ветеринарлық станцияларда, ал 118-і ветеринарлық пункттерде қызмет атқарады. Бұл туралы Жетісу облысы Ветеринария басқармасы басшысының орынбасары Дархан Әбілбаев Өңірлік коммуникациялар қызметінің баспасөз мәслихатында мәлімдеді.
Облыс бойынша 542 мыңнан астам ірі қара мал, 1,8 миллион қой-ешкі, 204 мың жылқы және басқа да ауыл шаруашылығы жануарлары тіркеліп, бірыңғай компьютерлік дерекқорға енгізілген. 2023 жылы аса қауіпті жұқпалы ауруларға қарсы вакцинациялау жұмыстары 100% орындалды, оның ішінде сібір жарасы, аусыл, құтыру және басқа да ауруларға қарсы екпелер жүргізілді.
Ветеринариялық қызмет көрсетуді жақсарту мақсатында өңірде заманауи технологиялар белсенді енгізілуде. 2023 жылдың басында Қазақстанда «Tort-Tulik» мобильді қосымшасы іске қосылды. Бұл қосымша арқылы мал иелері өз малын тіркеп, ветеринариялық паспорт рәсімдей алады, сондай-ақ жануарларға қатысты деректерді жаңарта алады. Қазіргі уақытта облыста 34 280 мал иесі осы қосымшаны белсенді пайдалануда.
Ветеринарлық қызметтің маңызды бағыттарының бірі – мал сою орындарындағы санитарлық талаптарды қамтамасыз ету. Бүгінгі таңда облыста 29 мал сою пункті жұмыс істейді, онда 36 мыңға жуық мал сойылды. Сонымен қатар, қаңғыбас иттер мен мысықтарды аулау жұмыстары жүргізілуде. 2024 жылы облыс бойынша 15 мыңнан астам ит пен мысық ауланған.
Ветеринарлық қауіпсіздікке ерекше назар аударылуда. Санитарлық жағдайды жақсарту аясында мал қорымдары мен скотомогильниктер жаңғыртылып жатыр. Сондай-ақ, биологиялық қалдықтарды жою үшін жаңа инсинераторлар сатып алынды. Бұл шаралар аурулардың таралу қаупін азайтуға мүмкіндік береді.