Жетісу облысы Мемлекеттік кірістер департаментінің камералдық мониторинг бөлімінің басшысы Ринат Жамаубаев әлеуметтік желіде таралған резонанстық сұраққа нақты жауап берді.
Жеке шоттарға әр түрлі тұлғадан 100 және одан да көп мобильді аударымдар алатын тұлғалар ғана бақылауға жатады. Сондай-ақ жеке кәсіпке ретінде тіркелмеген немесе кірістерін жасырған жандар айыппұл арқалайды.
Лимиттен өтіп, межелі аударымнан асып кетсеңіз – департаментке келіп аударымдарды кәсіпкерлік мақсатта жасамағаныңызды дәлелдеп берсеңіз, атыңызға айыппұл жазылмайды.
Әр түрлі өмірлік жағдайларда туыстарына, достарына және әріптестеріне аударымдар тексерілмейтінін ескеру маңызды.
Салық органдары бұл шараны көлеңкелі кәсіпкерлік қызметті анықтауға арналғанын айтады.
Тағы да атап өтетін жайт, осыған дейін 3 кезеңі жүргізілген жалпыға бірдей декларациялаудың 4-ші кезеңі де басталды. Биылғы жылы барлық жеке тұлғалар кірістер мен мүліктерді жалпыға бірдей декларациялаудан өтеді.
2025 жылы Жетісу облысында жалпыға бірдей декларациялау шеңберінде 550-ге жуық азамат декларация тапсырады, оның ішінде:
193 мың адам кірістер мен мүлік туралы декларация тапсыруға міндетті (270.00-нысан);
355 мың адам алғаш рет «кіру» декларациясын тапсырады (250.00-нысан).
Облыс бойынша Мемлекеттік кірістер департаменті өндірістік емес төлемдер басқармасының басшысы Асхат Әбілмажинов Өңірлік коммуникациялар қызметі алаңында ел тұрғындары үшін түсіндіру жұмыстары жүргізіліп жатқанын атап өтті. Жергілікті атқарушы орган қызметкерлері техникалық және құқықтық сүйемелдеуді қамтамасыз ете отырып egov порталы, е-Salyq «Azamat» мобильді қосымшасы, «салық төлеушінің кабинеті» арқылы — сауатты кеңес беруде.