Алматы облысында «AMANAT» партиясы жанындағы отбасы және халықты әлеуметтік қорғау мәселелері жөніндегі кеңестің отырысы өтті.
Кеңес мүшелері партияның сайлауалды бағдарламасы аясында жүзеге асырылып жатқан әлеуметтік нысандардың құрылысына тоқталды.
Атап айтқанда, тұрмыстық зорлық-зомбылық құрбандарына арналған 3 дағдарыс орталығы мен ерекше қажеттіліктері бар азаматтарға арналған оңалту орталықтарының іске асу барысы қаралды.
Жиынға облыстық Жұмыспен қамтуды үйлестіру және әлеуметтік бағдарламалар басқармасы басшысының орынбасары Ержан Ділдәұлы қатысып, тиісті баяндама жасады.
Сонымен қатар, кеңес құрамына бірқатар өзгерістер енгізілді. Кеңес мүшелері барлық ұсынылған мәселелерді бірауыздан қолдады.
