Төтенше жағдайлар министрлігінің ұйымдастырушылық нұсқауына сәйкес биылғы жылдың 3-4 маусымы аралығында ел аумағында Шығыс Қазақстан облысы Өскемен қаласында оқу-жаттығуға басшылық етудің республикалық штабымен бірге «Жер-2024» Республикалық командалық-штабтық оқу-жаттығуларын өткізу жоспарлануда. Бұл туралы Өңірлік коммуникациялар қызметінде Жетісу облысы Төтенше жағдайлар департаменті басшысының орынбасары Игорь Жуков пен облыстық жұмылдыру басқармасының аумақтық және азаматтық бөлімінің басшысы Қанат Оразбаев айтып берді.
Департамент басшысы орынбасарының айтуынша, жойқын жер сілкінісі кезінде жаһандық және өңірлік ауқымдағы төтенше жағдайларды жою жөніндегі іс-қимыл жоспарына сәйкес облысымыздың жеке құрамның 1 789 адамы мен 350 техника бірлігі күштері мен құралдары Шығыс Қазақстан облысының Зайсан және Тарбағай аудандарына тартылады.
«Жер-2024» оқу-жаттығуы аясында барлық облыстық азаматтық қорғау қызметтеріне ұйымдастырушылық нұсқау жолданды. Оқу-жаттығу шеңберінде Текелі қаласының аумағында көрме тактикалық арнайы оқу-жаттығу өткізу, 235 зардап шеккен халықты қабылдау пункттерін ашумен, облыстың барлық аудандары мен қалаларында сейсмикалық жаттығулар өткізу жоспарлануда.
Жер сілкінісіне қарсы әрекет етуге дайындығын тексеру үшін аймақтың барлық аудандары мен қалаларында сейсмикалық жаттығулар жоспарланған. Мұндай іс-шаралар төтенше жағдайларға дайындықты және тиімді әрекет етуді қамтамасыз ету үшін қажет.
Сонымен қатар, облыстың әр ауданында және қаласында зардап шеккен халыққа арналған лагерьлер және қайтарымсыз шығындар үшін орындар белгіленген. Бұл шаралар төтенше жағдайлардан зардап шеккендерге жедел және үйлестірілген көмек көрсетуге, сондай-ақ олардың зияны мен салдарын азайтуға бағытталған.
Жер сілкінісіне қарсы әрекет ету үшін сейсмикалық жаттығулар жоспарлануда
Shares:
Алматы облысының Мемлекеттік сәулет-құрылыс бақылау басқармасы жүргізген кешенді тексерістер нәтижесінде құрылыс нормалары мен ережелерінің жүздеген бұзушылық фактілері анықталды.
2019 жылдан бері Еркін ауылында жеке жылыжай шаруашылығы жұмысын жүргізіп келеді. «Майлебаева» жеке кәсіпкер ретінде қызмет етуде. Қияр өсіретін жылыжайда түрлі аппараттары мен көкөністі өсіруге арналған жылы газ қосылған. Аумағы
2023 жылы әділет органдарына хабарласып, 4 мыңға жуық азамат тегін заң көмегін ала алды. Жетісу облысының Өңірлік коммуникациялар қызметінде БАҚ өкілдерімен кездескен Жетісу облысы Әділет департаментінің басшысы Ержан Еркеновтің айтуынша,
2025 жылдың басынан бері өңірдегі медициналық ұйымдарға кене шағуымен 660 адам жүгінді, оның 305-і – 14 жасқа дейінгі балалар. Ең көп жағдай Панфилов ауданында тіркелді. Кене энцефалиті бойынша эндемиялық аумақтар