2025 жылы жазғы маусымда лагерьлерге қойылатын санитариялық талаптар мен бақылау шаралары күшейтілді. Ондағы мақсат балалардың денсаулығы мен қауіпсіз демалысын қамтамасыз ету. Бұл туралы Алматы облысы өңірлік коммуникациялар қызметінің алаңында өткен баспасөз маслихатында белгілі болды.
Алматы облысының санитариялық-эпидемиологиялық бақылау департаментінің басшысы Марат Әділжанұлының айтуынша, жазғы маусымда балалардың қауіпсіздігі мен денсаулығын қамтамасыз ету басты назарға алынды.
«Жазғы лагерьлерді ұйымдастырудың негізгі мақсаты – балалардың денсаулығын нығайтып, олардың демалысын пайдалы әрі қауіпсіз ету. Ол үшін дезинфекция, кене мен зиянкестерден тазарту, ауа мен судың сапасын зерттеу жұмыстары қолға алынды. Сондай-ақ, 2025-2026 жылдарға арналған Жазғы сауықтыру ұйымдарында балалардың қауіпсіздігін қамтамасыз ету жөніндегі жол картасы әзірленді. Бұл құжат ведомствоаралық өзара іс-қимылды үйлестіріп, лагерьлер жұмысын жүйелі бақылауға мүмкіндік береді», — деп атап өтті Марат Әділжанұлы.
Айта кетейік, 2025 жылдың 1 маусымнан бастап облыстың 6 аумағында орналасқан 28 сауықтыру лагері 5 мыңнан астам баланы қабылдауға дайын. Бірақ алдымен санитариялық-эпидемиологиялық қорытынды құжатын алуға міндеттелді.
Еске салсақ, 2024 жылдын жазғы маусымында облыста 25 лагерь жұмыс істеп, онда 31 мыңнан астам бала демалды. 23 мыңға жуық бала сауықтыру шараларымен қамтылды.
