Жетісу облысының қысқы туризмі таныстырылды

Жетісу облысында ерекше қысқы мүмкіндіктерді көрсетуге арналған ақпараттық пресс-тур ұйымдастырылды. Іс-шараға  БАҚ  өкілдері, блогерлер, туроператорлар мен турбизнес өкілдері қатысты.
Ақпараттық тур аясында қатысушылар Текелі қаласы мен Ескелді ауданының қысқы туризмдегі бірегей мүмкіндіктерімен танысты. Туристерге «Тау Жетісу» демалыс базасы ұсынылды. Бұл жерде шаңғы, сноуборд тебу, парапланмен ұшу, тюбингпен сырғанау сынды белсенді демалыс түрлері қарастырылған. Сонымен қатар, қар басқан табиғаттың сұлулығын сезіну үшін экотуризм бағыттары мен мәдени іс-шаралар өтті.
Іс-шара қысқы туризмге жаңа серпін беріп, туристік нысандар арасындағы серіктестікті нығайтуға мүмкіндік береді. Сондай-ақ, қонақ үйлер мен демалыс орындарының қызмет сапасы тексеріліп, жоғары деңгейдегі сервис ұсыну үшін арнайы ұсыныстар берілді.
Пресс-турдың басты мақсаты – Жетісу облысының қысқы туризм әлеуетін арттыру, жаңа туристерді тарту және өңірдің беделін жоғары сапалы контент арқылы көтеру.