Жетісу облысы Қаратал ауданының №3 сайлау округі бойынша мәслихат депутаттығына кандидат Астраханцева Ольга Викторовна өзінің сайлауалды бағдарламасын ұсынып, депутат болып сайланған жағдайда жүзеге асыратын негізгі басымдықтарын белгіледі.
Ольга Викторовна 1971 жылдың 29 шілдесінде Талдықорған облысы Қаратал ауданында дүниеге келген. Оның өмірлік жолы аудан тұрғындарының әл-ауқатын арттыруға және маңызды әлеуметтік мәселелерді шешуге бағытталған.
Сайлауалды бағдарламасында ол келесі міндеттерді жүзеге асыруды көздейді:
- «AMANAT» партиясының сайлауалды бағдарламасын іске асыруға қолдау көрсету;
- Абдрахман ақын көшесіне заманауи көше жарықтарын орнату;
- Мира көшесіндегі автомобиль жолдарын қайта жөндеу;
- Ауданның газбен жабдықтау мәселесін шешу;
- С. Морозов атындағы №51 орта мектептің құрылыс жұмыстарына қолдау көрсету;
- Балаларға арналған ойын алаңдарын орнату, аумақтарды абаттандыру және көгалдандыру, заңсыз қоқыс орындарын жою;
- Мұғалімдер, медицина қызметкерлері мен әлеуметтік сала мамандарының құқықтарын қорғау және олардың мәртебесін көтеру;
- Қаратал ауданының туристік әлеуетін арттыру бойынша нақты шаралар қабылдау.
«Құрметті Қаратал ауданының тұрғындары! Сіздердің сенімдеріңіз бен қолдауларыңыз мен үшін үлкен жауапкершілік. Ауданымыздың өркендеуі үшін бар күш-жігерімді жұмсауға дайынмын. Әрқайсыңыз өмірлеріңізде оң өзгерістерді сезіну үшін қызмет етуге әзірмін. Сіздердің дұрыс таңдау жасайтындарыңызға сенемін!» – деді кандидат.
Сонымен қатар, Астраханцева Ольга Викторовна аудан тұрғындарын әділдік пен даму жолын қолдап, дауыс беруге шақырды.
Материалды жариялау үшін төлем республикалық бюджет қаражаты есебінен аумақтық сайлау комиссиясы арқылы жүзеге асырылды.