Жарықтың жиі сөнуі, электр желілерінің талапқа сай келмеуі, жолдың жүруге де жарамайтындығы, қаза болғандарды жерлейтін жердің жетіспеуі, көпір мен жолаушылар тасымалының түйткілдері тұрғындарды мезі етті.
«Билік қарап отырмай, мәселені заң аясында шешіп-ақ жатыр. Дегенмен сайжай тұрғындарын мазалаған мәселенің бірі реттелсе, енді бірі алдан шығады. Сол үшін біз облыс әкімдігенен өзімәщ тұрған аумаққа елді мекен мәртебесін беруді жиі өтініп келеміз», – дейді Рахат ауылдық округінің тұрғыны Тимур Сәрсембаев.
Ауылдық ардагерлер кеңесінің төреағасы Бақберген Әшімов, Қайназар ауылындағы Ш.Уәлиханов атындағы орта мекпетпті күрделі жөндеуден өткізу жұмысы кешеуілдеп келе жатқандығын, сонымен қоса, мектеп ғимаратын көгілдір отынмен қамтамасыз етуде қиындықтар барын жеткізді.
Өз кезегінде депутаттар кейбір сұрақтарға заң аясында түсінік беріп, шешу жолдарын айтты. Кейбір сұрақтарды шешу үшін тиісті мекемелерге хат жолданып, орындалысы бақылауда болатынын жеткізді.
«Шалғайда орналасқан халық партияның аудандық немесе облыстық филиалына жол ұзақтылығына байланысты әрдайым келе бермейді.
Сондықтан, біз тұрғындардың түйінді мәселелерін алға тартып келуін күтіп отырмай, өзіміз келуге тырысамыз. Мұндай кездесулердің халыққа тиімділігі жоғары. Өйткені, бұл мобильдік қоғамдық қабылдаудың басты мақсаты шалғай елді-мекендегі тұрғындардың, азаматтардың өтініш-тілектерін тиісті мемлекеттік органдарға жеткізу», – деді Аслан Кубентаев.
Айта кету керек, облыстық «AMANAT» партиясының қоғамдық қабылдауына жыл басынан бері 3 546 өтініш келіп түскен. Бұл мәселелердің 65%-ы қазіргі уақытта шешімін тапты.
