«Даналық бейсенбі» жобасы аясында Талдықорған қаласындағы Назарбаев Зияткерлік мектебінің түлектерімен, қазіргі таңда Босфор университетінің студенттері Ернар Өмірзақовпен және Atlantic Flight Training Academy – ұшқыштар мектебінен Әнуар Рысбекпен кездесу өтті.
Ернар Түркияда оқуға толық стипендия алуға мүмкіндік беретін Türkiye Burslari стипендиялық бағдарламасы туралы құнды мәліметтермен бөлісті. Мотивациялық хат жазуға баса назар аудара отырып, қабылдау мүмкіндігін жақсартуға көмектесетін негізгі лайфхактар туралы айтты. Сонымен қатар құжаттарды тапсыру процедурасын түсіндіріп, оқушыларды қызықтыратын көптеген сұрақтарға жауап берді.
Өз кезегінде Әнуар Рысбек AIR Astana авиакомпаниясында авиатехник немесе ұшқыш болу мүмкіндіктерін атап өтті. Ол Air Astana-мен оқыту бағдарламалары, олардың артықшылықтары, іріктеу кезіндегі талаптар және мансаптық перспективалар туралы айтып берді. Сонымен қатар, Ануар Венгрияға Stipendium Hungaricum стипендиялық бағдарламасы бойынша оқуға түсу бойынша кеңестерімен, өтініш беру ерекшеліктерімен және осы елдегі оқу перспективаларымен бөлісті.
Оқушылар біздің түлектеріміздің Түркия мен Венгриядағы оқу тәжірибесі туралы білуге бірегей мүмкіндік алды, бұл оларды жаңа жетістіктерге және болашақ мансаптың көкжиегін ашуға шабыттандырды.
