Талдықорғандық NIS оқушылары жасанды интеллект бойынша желілік олимпиадада бірқатар жүлделі орындарға ие болды

Олимпиада Астана қаласының Назарбаев Зияткерлік мектебінің базасында 10-12 сынып оқушылары арасында өтті.

Екі күн ішінде 150-ден астам оқушы жасанды интеллект саласындағы білімдері мен дағдыларын көрсете отырып, күрделі тапсырмалар орындады.

Нәтижесінде 11 — сынып оқушысы Жәнібек Қасымқан 1 орын алды. Сонымен қатар, ол «Ең күрделі есепті бірінші болып шығарғаны үшін» номинациясында диплом алып, 2000$ тұратын ISSAI Назарбаев Университетінің жаздық оқыту курсының сертификатын жеңіп алды.

11 — сынып оқушылары Әлихан Аралбаев, Алдияр Жатақбаев, Айым Сабыр 3 орынды, Даулет Салтыбаев 2 орынды иеленді.

Сондай-ақ, балалар ISSAI Назарбаев Университеті институтының, Astana IT University сарапшыларының және Халықаралық университеттер өкілдерінің дәрістеріне қатысты.