Талдықорған қаласының әкімі Ернат Бәзіл елімізде АЭС салу бойынша республикалық референдум да өз таңдауын жасап, дауыс берді.
«Бүгін еліміз үшін аса маңызды саяси оқиға. Елімізде АЭС салу бойынша жалпы халықтық референдум өтуде. Аса жауапты науқанға келіп таңдау жасау бұл барлық Қазақстан азаматының парызы. Бүгін дауыс берген халықтың таңдауының арқасында еліміздің кемел келешегін бағдарлай алуға мол мүмкіндік береді деген сенімдемін. Дауыс беріп, таңдау жасайық!», – деді қала әкімі өз сөзінде.
Жалпы бүгін, Талдықорған қаласындағы барлық дауыс беру учаскелері таңғы сағат 7.00-ден бастап жұмыстарын атқаруда.
