Ауруды ерте кезеңде анықтау – оның дамуына жол бермейді. Соның ішінде онкологиялық ісіктерді ерте анықтау арқылы адам өмірін сақтап қалуға да болады. Скринингтік зерттеулер скрининг түріне байланысты ТМККК және МӘМС бойынша жүргізіледі. Скрининг — бұл белгілі бір жастағы немесе санаттағы сау адамдарды профилактикалық медициналық тексеруден өткізу, қауіпті факторлар мен ауруларды ерте сатысында анықтау.
«Скринингтер белгілі бір ауруларға және белгілі бір жас топтарына өткізіледі. 0-ден 18 жасқа дейінгі балалар, 30 бен 70 жас аралығындағы ересектер, Тәуекел топтары. Мінез-құлықтық тәуекел факторлары, артериялық гипертонияны, жүректің ишемиялық ауруын және қант диабеті, глаукома, жатыр мойны обыры, сүт безі обырын қатерлі ісігі, колоректалды обыр, В және С вирустық гепатиттері сынды ауруларға арналған.», — дейді МӘМС қоры Алматы облыстық филиалының өкілдері.
Мамандардың айтуынша, скринингтен өту үшін мекен жай бойынша тіркелген емханаға хабарласу керек. Ол үшін әр емханада скринингтік бөлмелер бар. Өзіңізбен бірге жеке куәлік болуы міндетті. Скринингтен өту үшін пациенттің МӘМС жүйесінде сақтандырылған мәртебесі болуы қажет.