Мен, Жақсылықов Танат Балтабекұлы, 1974 жылы 17 желтоқсанда Талдықорған облысы, Ақсу ауданы, Қаракөз ауылында дүниеге келдім. 1990 жылы Қаракөз ауылындағы Қызылорақ орта мектебін аяқтадым. 2002 жылы Талдықорған қаласындағы І.Жансүгіров атындағы Жетісу мемлекеттік университетін бітірдім. Еңбек жолымды 2003 жылдан бастап Бижасар Садырбайұлы атындағы орта мектебінде дене шынықтыру пәні мұғалімі болып қызмет атқарамын. Жұбайым және 4 балам бар.
Сайлауалды бағдарлама
Аудандық мәслихат депутаттығына кандидат ретінде мына мәселелерге назар аударамын:
- «AMANAT» партиясының Сайлауалды бағдарламасының орындалуына атсалысу;
- мемлекеттік бағдарламаларға бюджет тарапынан бөлінетін қаражаттың тиімді және мақсатты жұмсалуын бақылауға алу;
- №5 бірмандаттық сайлау округіне қарасты Қаракөз, Жаңалық және Ойтоған ауылдық округтеріне қарасты елді мекендердің әлеуметтік – экономикалық даму мәселесіне шешуге ықпал ету;
- 2025-2027 жылдары Ойтоған ауылының Жансүгіров, Жанбай, Абай көшелеріне, Жаңалық ауылының Құмжарған, Абай, Баубек көшелеріне орташа жөндеу жұмыстарын жүргізуге ықпал ету;
- ауыл тұрғындарының тұрмыс тіршілігін жақсарту, тұрмыс деңгейі төмен және көпбалалы отбасыларының әлеуметтік жағынан қорғалуына ықпал ету;
- мүмкіндігі шектеулі жандарға әлеуметтік қолдау көрсетуге атсалысу;
- ауыл жастарымен әр түрлі деңгейде шаралар өткізу, патриоттық, ел жандылық тәрбие беру, жұмыссыз жастарды жұмыспен қамтамасыз етуге атсалысу;
- Ақсу – Жаңалық, Ақсу – Қаракөз, Ақсу – Ойтоған ауылдарының арасындағы автомобиль жолдарының орташа жөндеуіне ықпал ету;
- Жаңалық ауылының Құмжарған, Абай, Амангелді, Қазанғап көшелеріне көше жарығының орнатылуына ықпал ету;
- Ойтоған ауылында орналасқан І.Жансүгіров атындағы орта мектебіне күрделі жөндеу жұмыстарына ықпал ету;
- Қаракөз, Кеңғарын, Ойтоған, Жаңалық ауылдарында салынған шағын футбол алаңдарының қайта жөндеуден өтуіне ықпал ету;
- Жаңалық ауылдық округіне қарасты 4 (15шқ), Қаракөз ауылдық округіне қарасты 6 (81шқ), Ойтоған округіндегі Ащылыөзек (55шқ) каналдардың жасалынып, заңдастырылуына және оған қаржы бөлінуіне ықпал ету;
- Облыстық маңызы бар Жансүгіров – ст. Матай автомобиль жолының 0-97 шақырымының 50-97 (Ойтоған-Матай) учаскесіне жөндеу жұмыстарының сапалы жүргізіліп, уақытында аяқталуына ықпал ету.
Құрметті сайлаушылар!
Алдағы уақытта осы ауылдардағы мәселелердің оң шешілуіне өз үлесімді қосамын. Сіздер маған сенім артып, 2024 жылдың 8 желтоқсан күні сайлау учаскесіне келіп, маған дауыс берсеңіздер, ауыл өмірінің жақсаруына бар білімім мен тәжірибемді арнаймын!
Үгіт материалдарын орналастырғаны үшін төлемді аумақтық сайлау комиссиясы республикалық бюджет қаражаты есебінен жүргізді.