Текеліде энергетиктер отбасы дауыс берді

Текелі қаласында тұратын бір әулеттегі энергетиктердің үш ұрпағы бүгінгі республикалық референдумда дауыс берді.
Евгений Валерьевич Голев пен оның ұлы Анатолий Евгеньевич Голев екеуі де «Текелийский энергокомплекс» жауапкершілігі шектеулі серіктестігінде жұмыс істейді.
«Ұлым екеуміз №447 дауыс беру учаскесіне келіп дауыс бердік. Ұлымның түнгі ауысымнан шыққанын күтіп, бірге келдік. Әкем Валерий Андреевич те Текелі энергокешенінде жұмыс істеген. Қазір зейнеткер. Анам екеуі өз дауыс беру учаскелеріне барып, таңдауларын жасады. Біз Отанымыздың дамуына маңдай терімізбен үлес қосып жүрген жұмысшылар әулетіміз. Қазақстанның бүгінгіден гүлдене түскенін қалаймыз. Туған жерін сүйетін, құрметтейтін әр азамат осындай елдік істе белсенді болуға тиіс», – дейді Евгений Голев.