Жетісу облысының туризмін насихаттаушысы Visit Zhetysu орталығы ұйымдастыруымен туризмді дамытып, туризм саласында еңбек етіп жүрген ұйымдар арасындағы қарым-қатынасты нығайту мақсатында «Visit Zhetysu — 2023» форумы өтті.
Аталған шара БАҚ өкілдерімен Талдықорған қаласының көрікті жерлеріне арналған ақпараттық турмен басталды. Тур барысына Алматы қаласының, Жетісу өңірінің орталығы және түрлі аудандарының журналистері мен блогерлері қатысты. Қатысушылар Бикен Римова атындағы драма театрына барып актрисаның өмірбаянымен, ұлттық өнердің жетістіктерімен танысты. Сондай-ақ Ілияс Жансүгіров мәдени музейін аралап ақын өмірі мен шығармашылық қызметін шолыды.
Іс-шараға Жетісу облысы әкімінің орынбасары Рустам Али сөз сөйлеп, форум қонақтарын Жетісу облысының туризм саласын дамытуға қосқан зор үлесі үшін алғыс хатпен марапаттады. «Visit Zhetysu — 2023» форумы өтті.
