Аталған дертті жұқтырған аймақ тұрғындарының 87 пайызы бұрын қызылшаға қарсы екпе алмағандар.
Бұл туралы өңірлік коммуникация қызметі алаңында санитарлық-эпидемиологиялық бақылау департаменті басшысының орынбасары Саулет Капсаламова баяндады.
Спикердің айтуынша сырқаттанушылықтың жоғары деңгейі Қарасай, Еңбекшіқазақ, Талғар, Іле аудандарында орын алуда.
14 наурыз- 27 желтоқсан аралығында вирустың 4 212 жағдайы тіркелген. Оның ішінде 14 жасқа дейінгі балалар арасында 1 850,5 жасқа дейінгі таралу жиілігі 1 611 жағдайды құрады.
“Ауа-тамшыларымен тарайтын жұқпалы жіті вирустың ең тиімді алдын алу жолы – ол вакцинация. Өңірімізде вакцинациялау қараша айының 21-нен қазіргі күнге дейін жалғасуда.
Қазіргі таңда иммунитетін жасанды жолмен көтергендер саны 64 527 жетті,”-дейді Сәулет Қапсаламова.