26 наурыз күні Алматы қаласы Жастар саясаты басқармасының тапсырысымен«BookVibe» жобасының аясында «Жаухар» ұлттық салт-дәстүрді қолдау қоры» қоғамдық қорының ұйымдастыруымен 30-дан астам арнайы мамандандырылған «Жанұя» кешенінің тәрбиеленушілеріне, Алматы қаласы мәслихатының депутаты Тё Елена Васильевнаның қолдауымен балаларды кітап оқуға тарту және қызығушылығын арттыру мақсатында Жамбыл атындағы қалалық жасөспірімдер кітапханасында «Кітап әлемі» тақырыбында шолулық экскурсия өткізіледі.
Экскурсия барысында балалар адам өміріндегі кітаптың рөлі, шығу тарихы туралы кітапханашының әңгімесін тыңдады. Кітапхананың кітаптар қорымен, кітапхананың ережесімен танысты. Шараның соңында бірнеше жасөспірімдер кітапханаға жазылып, оқырман билетін алды. Сондай-ақ іс шараға «Алматы Пікірсайыс федерациясы» қоғамдық бірлестігінің президенті Абдрахман Серікұлы Қалиев қатысып «Кітап адамзаттың асыл тәжі» тақырыбында балалармен ой өрбіті. Біз өз кезегімізде Алматы қаласы орталықтандырылған кітапхана жүйесімен Жамбыл атындағы қалалық жасөспірімдер кітапханасының ұжымына алғысымызды білдіргіміз келеді.