ҚР Денсаулық сақтау министрлігі 11 жастағы қыздарды адам папилломасы вирусына (АПВ) қарсы вакцинациялаудың 2023-2025 жылдарға арналған жоспарын бекітті. Бұл туралы өңірлік коммуникациялар қызметінде онколог-дәрігер Карлығаш Тәжібаева хабарлады.
Онкологтың айтуынша, Қазақстанда жатыр мойны обыры әйелдер арасындағы ең көп таралған қатерлі ісіктердің ішінде екінші орында тұр. Бұл аурудың алдын алудың ең тиімді тәсілі – вакцинация. Вакцинациялау жоспары бойынша, биылғы жылдан бастап 11 жастағы қыздарға «Гардасил-4» вакцинасы қолданылатын болады.
Дүниежүзілік денсаулық сақтау ұйымының (ДДҰ) ұсыныстарына сәйкес, Қазақстан 2030 жылға дейін 15 жасқа дейінгі қыздардың 90 пайызына АПВ-ға қарсы вакцина салуды мақсат етуде. Карлығаш Тәжібаеваның айтуынша, вакцинация арқылы жатыр мойны обырының алдын алу және әйелдердің денсаулығын сақтау маңызды.
Сонымен қатар, ол соңғы жылдары анти-вакциналық көңіл-күйдің артуына байланысты қызылша мен басқа да аурулардың көбейгенін атап өтті. Сондықтан халыққа вакциналардың қауіпсіздігі мен аурудың алдын алудың маңыздылығы туралы ескерту қажет екенін атап өтті.
