«AMANAT» партиясының «Құқықтық көмек» жобасын белсенді іске асыру Алматы облысында жалғасуда. Кез келген адам өтеусіз негізде заң мамандарынан кеңес ала алады.
Аталған жоба қоғамда құқықтық мәдениетті арттыру бойынша жүйелі жұмысты жолға қоюға арналған. Тұрғындар балалардың құқықтарын қорғау, алимент өндіріп алудан және жәрдемақы тағайындаудан бастап, еңбек даулары мен сот ісін жүргізуге дейін әртүрлі мәселелер бойынша жүгіне алады.
Бірінші кезекте партиялықтар көп балалы және аз қамтылған отбасыларға, зейнеткерлерге және ерекше қажеттіліктері бар адамдарға көмек көрсетуге тырысады.
