Алматыда «Жанұя» жетім балаларға арналған мамандандырылған кешенінің тәрбиеленуші балаларына «Балаларға кітап сыйла» акциясы өткізілді. Ұйымдастырушы – «Жаухар» ұлттық салт-дәстүрді қолдау қоры.
Шараға белгілі меценат, «Аssyltas» қоғамдық қорының негізін қалаушы, қалалық мәслихат депутаты Дулат Тастекеев және «Отбасы хрестоматиясы» қоғамдық қоры, «Алматыкітап» баспасы» ЖШС қолдау білдірді.
Жасөспірімдер мен балаларға арналған танымдық энциклопедия мен ерекше білім беру қажеттіліктері бар балаларды ескере отырып, ұйымдастырушылар орыс және қазақ тілдеріндегі мамандандырылған арнайы 3D форматтағы кітаптарды табыстады.
Шара аясында белгілі сценарист Алмас Сағынұлы және «Ыстық ұя» қайырымдылық қорының директоры, блогер Аяулым Жорабаева балаларға жылу лебіздерін білдірді.
«Жаухар» ұлттық салт-дәстүрді қолдау қорының директоры Медет Бекбергеннің айтуынша, жобаға 100-ден астам жас ұрпақтын таным көкжиегін артыраттын түрлі жанрдағы баспа өнімдері ұсынылған.
«Акцияның басты мақсаты балалар арасында кітап оқуға деген қызығушылықтарын арттыру. Сондай-ақ кітап оқуды насихаттау, оқу мәдениетін қалыптастыру», – дейді Медет Бекбергенов.
Қор директорының сөзінше, биыл қор қалалық жастар саясаты басқармасының тапсырысымен жастардың оқу белсенділігін арттыру мақсатында «BookVibe» атты жоба жүзеге асырылмақ. Оның аясында 20-дан астам іс-шара ұйымдастыру жоспарланып отыр.