Сақтандырылмаған пациент ТМККК тізбесіне кіретін, бірақ МӘМС пакетінде медициналық қызметтерді ала алмайтын қызметтерді ала алады. Бұл туралы қордың Алматы облыстық филиалы өкілдері мәлімдеді. Баспасөз қызметінің мәліметінше, әлеуметтік маңызы бар аурулар кезінде консультациялық-диагностикалық көмек, сондай-ақ емдеу ТМККК шеңберінде жүзеге асырылады.
«ТМККК пакетіне жедел медициналық көмек, алғашқы медициналық-санитарлық көмек – учаскелік дәрігерді қабылдау, ауруларды диагностикалау және емдеу, алдын алу, сауықтыру, иммундау, салауатты өмір салтын ұстану, актив, патронаж, созылмалы аурулары бар пациенттерді динамикалық (диспансерлік) бақылау, созылмалы ауруларды және әлеуметтік маңызы бар ауруларды емдеу кезінде күндізгі стационарда және тәулік бойы стационарда медициналық көмек», — кіреді дейді мамандар.
Сөздерінше, туберкулез бойынша медициналық оңалту, паллиативтік көмек, трансплантация, шетелде емдеу, дәрі-дәрмекпен қамтамасыз ету де ТМККК пакетіне кіреді. Айта кетерлігі, Міндетті медициналық сақтандыру жүйесіндегі мәртебеңізді бірнеше жолмен тексеруге болады. Qoldau 24/7 мобильді қосымшасы, Телеграмм-бот @SaqtandyryBot, Egov.kz электрондық үкімет порталы, Әлеуметтік медициналық сақтандыру қорының ресми сайты. «Мәртебені анықтау» нүктесі оң жақта орналасқан. Соны басып, ЖСН көрсету жеткілікті.