15 тамыздан 1 қазанға дейін тұрғын үй секторында өрт қауіпсіздігі айлығы өтеді. Онда департамент қызметкерлері жергілікті атқарушы орган, полиция қызметкерлері, еріктілер және басқа да мүдделі органдармен бірлесіп, бірінші кезектегі халықтың әлеуметтік осал топтарының отбасылары профилактикалық іс-шаралармен қамтылатын болады.
Бүгінде есепте 7054 халықтың әлеуметтік осал топтары бар. Сонымен қатар, облыс бойынша 132 мыңнан астам жеке тұрғын үй және 1656 көппәтерлі тұрғын үй есепке алынды.
Айта кетейік, өткен жылыту кезеңінде 2023-2024 ж.ж. 137 өрт тіркеліп 3 адам қаза тауып, бір адам жарақаттанған болатын. Қазіргі уақытта алдағы 2024-2025 жылыту кезеңінде өрт қауіпсіздігін қамтамасыз ету үшін алдын алу шаралары дайындалуда.
Жыл басынан бері 190 өрт тіркелді. Оның 70 пайызға жуығы тұрғын секторында орын алған. Сондықтан Төтенше жағдайлар қызметкерлері тұрғындарды барынша мұқият болуға шақырады.