Жатыр мойнының обыры әйел адамдарда кездесетін онкологиялық аурулардың үштігіне кіреді, деді Алматы өңірлік көпсалалы клиникасының гинеколог-онколог дәрігері Ақтолқын Мамадиярова баспасөз – мәслихатында.
Маманның айтуынша, дерттің негізгі себебі, жыныстық жолмен берілетін-папиллома вирусы. Вирустың 100-ден аса түрі бар, соның ішінде 14-і онкогенді саналады. Әсіресе, ең қауіпті 16-шы және 18-ші түрі.
Спикердің айтуынша, вирус симтомсыз дамиды. Ауру белгілері байқалса, бұл бірінші немесе төртінші сатысынан хабар береді деген сөз. Көбіне жатыр мойнының обырына 45-50 жастағы әйелдер шалдығады. Дәрігердің сөзіне сүйенсек, соңғы уақытта бұл ауру жас әйелдерден де анықталып жатыр .Сондай-ақ,онкогенді папиллома вирусы тік ішек,бас және мойын обырына алып келуі ықтимал.
«Менструалды кезеңнен тыс уақытта қан кету жатыр мойны обырының негізгі белгілерінің бірі болып саналады. Сонымен қатар иісі жағымсыз ақшыл бөлініс, іштің төменгі жағының аурулары, салмақ жоғалту, шаршаңқылық және кейде зәрде қан пайда болуы да осы ауру белгілеріне тән», — дейді дәрігер.
Онкологтың сөзінше, ісіктің белгілері көп жағдайда байқалмайды.Сол себепті 25 жастан асқан қыздарға жыл сайынғы скринингтен өтіп тұру қажет. Ал,вакцина-аталмыш дертке шалдықпаудың кепілі. Өйткені, вакцинациядан кейін жатыр мойны обырына тұрақты иммунитет қалыптасады. Осы жылдың 2 тоқсанынан бастап 11 жасар қыздарға вирусқа қарсы екпе жүргізілуде. Екпе екі кезеңнен тұрады. Біріншісі қыз бала 11 жасқа толғанда, екіншісі бір жылдан кейін жасалады. Вакциналау ұлттық екпе кестесіне енгізілді. Бірақ , екпе ата-ананың рұқсатымен ғана салынады.
Жалпы әлемдік статистика бойынша жыл сайын жатыр мойны обыры шамамен 600 000 жаңа жағдайы тіркеледі, ал Алматы облысы бойынша былтыр 120 дан астап әйел адам тіркелесе, биыл жыл басынан есепке 60 әйел алынған.