Өңірлік коммуникациялар қызметінің ақпараттық алаңында Алматы облысының Бас мемлекеттік санитариялық дәрігері Марат Исмаилов облыстағы аса қауіпті инфекциялардың эпидемиологиялық маусамға дайындағы туралы баяндады.
Өңірдің бас санитарының айтуынша,
жұқпалы аурулардың ең қауіптісі ауылшаруашылық малдарынан жұғатын-Сібір жарасы. Ауру жара түрінде сыртқы жабындарды зақымдаумен, қызба, интоксикациямен, кейде сепсистің дамуымен сипатталады.
Облыста соңғы 10 жылдан астам сібір жарасы тіркелмеген, алайда біздің облыс сібір жарасын жұқтыру қаупі бар аумақта орналасқан. Себебі,өңірде 99 сібір жарасының топырақ ошақтары бар.
Осыған байланысты,спикер негізгі алдын алу шарасы халықты вакцинациялау болып табылатынын ерекше атап өтті. Өткен жылы профилактикалық мақсатта 448 ветеринарлық қызмет маманы, ет өңдеу кәсіпорындарының, сою пункттері мен алаңдарының қызметкерлері сібір жарасына қарсы екпе алды.
Бұдан бөлек, күн жылаған кезде кене энцефалиті, баррелиоз сынды инфекциялар таралады.
Алматы облысында 6 аудандағы елді мекендердің 20% — ға жуығы кене энцефалиті бойынша эндемикалық аумақтар қатарына жатады. Атап айтсақ, Еңбекшіқазақ, Қарасай, Талғар, Райымбек, Кеген, Ұйғыр аудандары.
“Кене шағуынан зардап шеккендердің барлығына кенеге қарсы иммуноглобулин енгізу арқылы жедел көмек дер кезінде көрсетіледі», – деп қортындылады Марат Исмаилов.