Облыс көлемінде 300-ден аса туристік нысан цифрлық көшірмеге енгізіледі, деп хабарлайды Өңірлік коммуникациялар қызметі.
Цифрлық көшірменің” негізгі мақсаты – бұқара мен билік арасындағы ашықтық. Қазіргі таңда цифрлық технологиялар басқармасы, көшірмеде барлық саланы қамтып, тұрғындар үшін ақпараттық қолжетімділікті ұсынуда.
Жоба шеңберінде облыстың проблемалық мәселелерінің, жер учаскелерінің, ветеринариялық станциялармен, туристік нысандар,ерекше қорғалатын аумақтардың, құрылыс объектілерінің, қылмыстар бойынша тақырыптық үш өлшемді және екі өлшемді карталары іске асырылды.
Облыстың бас санитариялық дәрігерінің ақпарынша,аймақта бақылауда тұрған санитариялық-қорғау аймақтары енгізілді. Спикердің айтуынша, цифрлық көшірмеге енгізудің негізгі мақсаттарының бірі- жер учаскелерін заңсыз беруді болдырмау. Бұдан бөлек,өнеркәсіптік объектілердің жұмысынан экологиялық құқықбұзушлықты азайту.
Сонымен қатар, облыстағы туризм саласып дамытып, саяхатшылардың жайлылығы мен қауіпсіздігін басты назарға ала отыра ,нысандар туралы ақпарат жүйеге енгізіледі.Бұл туралы толығырақ баспасөз мәслихаты барысында туризм басқармасының инфрақұрылымды дамыту және туристік жобаларды жүзеге асыру бөлімінің басшысы Шерхан Есентемиров айтты. Жалпы алғанда қазіргі таңда туристік нысандарды картага енгізу бойынша жұмыстар атқарылуда.
«Негізгі танымал 33 нысанның 9-ы Алматы облысына тиесілі. Қазіргі таңда туризм саласын қарқынды дамыту мақсатында көшірмеге 300-ден аса шағын нысандар енгізілді,-деді Шерхан Сержанұлы.
Ал, Алматы облысының табиғи ресурстар және табиғатты пайдалануды реттеу басқармасының орман шаруашылығы бөлімінің бас маманы Абат Мұратұлының айтуынша, картада өңірдегі ормаун шаруашылықтары түгел көрсетіледі. Алматы облысының жалпы орман қорының аумағы аумағы 2,2 млн. га, оның орманмен көмкерілгені 1,2 млн. га құрайды. Көшірмеде мемлекеттік орман қоры жерлерінің картасы, жалпы ауданы мен көмкерілген аумақтары, штаттық бірліктері, орман күтуші үйлері және иеленушіге тиесілі аумақта мекен ететін аң-құстардың түрлерін картаға тіркеу жұмыстары жұргізілуде деп қортындылады.