Ауданға жалпы 19,4 млрд теңгеге құрылыс жұмыстары жүргізілді, 8230 шаршы метр тұрғын үй пайдалануға берілді. Сумен жабдықтау және газдандыру жобасы аясында газға 12 ауыл қосылды. Қалған елді мекендерді газдандыру 2025 жылға дейін аяқталады.
Қараша айының басында өнеркәсіп өнімінің көлемі 7,4 миллиард теңгені құрады. Бір жыл ішінде сала көрсеткіштерінің 8 млрд теңгеге өсімі күтілуде. Ауданда 3941 шағын және орта бизнес субъектісі жұмыс істейді, салық түсімдері 1692,6 млн теңгені құрайды.
Өндіріс көлемі 7482 млн теңгеге жетті, негізгі кәсіпорындар өнімділігін арттырды. Жыл соңында 104% өсім күтілуде.
390 жаңа жұмыс орны құрылды, түрлі бағдарламалар арқылы халықты жұмыспен қамту жүзеге асырылды.
