Алматы облыстық мәслихатының депутаты, кәсіпкер әрі меценат Нұрлан Түймелиев Құрылтай депутаттарының сайлауына қатысып, дауыс берді.
Нұрлан Түймелиевтің еңбек жолы мен қоғамдық қызметінің елеулі бөлігі Іле ауданымен байланысты. Ол кәсіпкерлік саласында 1998 жылдан бері еңбек етіп келеді. Бұған дейін Іле аудандық мәслихатының VII шақырылым депутаты болған.
«Ел болашағы – әр азаматтың белсенді ұстанымынан басталады. Сайлау – халықтың өз пікірін білдіріп, ел ертеңіне қатысты шешім қабылдайтын маңызды сәт. Сондықтан әрбір азамат өз таңдауына жауапкершілікпен қарауы керек», – деді Нұрлан Түймелиев.
Депутат өңірдегі қоғамдық және қайырымдылық бастамаларға да атсалысып келеді. Оның айтуынша, елдің дамуы экономикалық көрсеткіштермен ғана емес, халықтың әл-ауқаты, бірлігі және ұлттық құндылықтармен де сабақтас.
