23 тамызда қазақстандық актер Олжас Сақ Іле ауданындағы №1062 сайлау учаскесіне келіп, Құрылтай депутаттарының сайлауында дауыс берді.
Театр мен кинодағы рөлдері арқылы көпшілікке танылған актер елдегі саяси науқанға қатысып, азаматтық таңдауын білдірді.
«Әр азамат өз мүмкіндігін пайдалануы керек»
«Бүгін мен де ел азаматы ретінде өз таңдауымды жасадым. Қоғамдағы маңызды өзгерістерге бейжай қарамай, әр азамат өзіне берілген мүмкіндікті пайдалануы керек деп ойлаймын. Елдің ертеңі – бәрімізге ортақ. Сондықтан бүгін №1062 сайлау учаскесіне келіп, дауысымды бердім», – деді Олжас Сақ.
Айта кетейік, бүгін Қазақстанда Құрылтай депутаттарының сайлауы өтіп жатыр. Орталық сайлау комиссиясының мәліметінше, бұл – жаңа Конституция жағдайында өтіп жатқан Құрылтай депутаттарының алғашқы сайлауы.
