Бүгін, 23 тамызда, ұлттық қолөнерді дамытуға үлес қосып жүрген белгілі шебер әрі кәсіпкер Жеңіскүл Дәулетова Іле ауданында дауыс берді, деп хабарлайды Halyqmedia.kz.
Жеңіскүл Дүйсенбекқызы қолөнердің қыр-сырын бала кезінен әжесінен үйренген. Бүгінде ол ұлттық өнерді кәсіппен ұштастырып, дәстүрлі қолөнерді кейінгі ұрпаққа насихаттап жүр.
«Әрбір дауыс – ел болашағына қосылған үлес»
«Әрбір азаматтың дауысы – ел болашағына қосқан үлесі. Туған еліміздің дамуы мен тұрақтылығы үшін өз таңдауымызды жасау үлкен жауапкершілік», – деді Жеңіскүл Дәулетова.
Қолөнерші сайлауға қатысу әр азаматтың ел келешегіне деген жауапкершілігін білдіретінін атап өтті.
