Бүгін, 23 тамызда, Іле ауданының Боралдай кентіндегі №339 сайлау учаскесінде ұлттық дәстүрге негізделген ерекше рәсім өтті.
Округтік Аналар кеңесінің төрайымы Мархаба Қаламбаева учаскеге шашу шашып, ақ батасын берді. Ол елдің бірлігі мен берекесін тілеп, көпшілікке ізгі ниетін жеткізді.
Шәлі жауып, Абайдың қара сөздерін сыйлады
Сайлау комиссиясының мүшелері Мархаба Қаламбаеваның иығына қазақы дәстүрмен шәлі жапты. Сондай-ақ оған Абай Құнанбайұлының қара сөздер жинағын тарту етті.
Бұл сәт сайлау күніндегі үлкенге құрмет пен ұлттық құндылықтарды дәріптеген ерекше көріністердің біріне айналды.
