Бүгін, 23 тамызда, Іле ауданының Өтеген батыр ауылында «Таза Қазақстан» экологиялық акциясы өтті. Тұрғындар көшелер мен қоғамдық орындарды қоқыстан тазартты, деп хабарлайды Halyqmedia.kz.
Сайлау учаскелерінде дауыс беру жүріп жатқанда, ауылдың өзге бөліктерінде санитарлық тазалық жұмыстары жалғасты. Қатысушылар белгіленген аумақтарды ретке келтіріп, жиналған қоқысты шығарды.
Қоғамдық орындарға басымдық берілді
Акция барысында тұрғындар жиі жүретін қоғамдық кеңістіктер мен көше бойлары тазартылды. Бұл жұмыс Өтеген батыр ауылында бұған дейін басталған абаттандыру шараларының жалғасы болды.
