23 тамызда Іле ауданының Байсерке ауылында Құрылтай сайлауы би қойылымдарымен жалғасты. Aiza Dance студиясының үш ансамблі көрермен алдына шығып, этно-брейк ұсынды.
«Wonderful» ансамблі «Бақыты», «Феерия» – «Ямахау», ал «Феникс» «Счастье» биін орындады. Әр қойылымда заманауи хореография мен этникалық элементтер үйлесім тапты.
Aiza Dance студиясын хореограф-қоюшы, көркем гимнастикадан спорт шебері Фатима Сайфуддинова басқарады. Жеті жыл ішінде студия шәкірттері халықаралық хореографиялық байқауларда бірнеше рет жүлде алып, Super Grand Prix иеленген.
Бұл жолы бишілерге үлкен сахна да қажет болмады. Музыка қосылған сәттен Байсеркедегі алаңның өзі би алаңына айналды.
