Скрининг — бұл белгілі бір жастағы немесе санаттағы сау адамдарды профилактикалық медициналық тексеруден өткізу, қауіпті факторлар мен ауруларды ерте сатысында анықтау. Скринингтер белгілі бір ауруларға және белгілі бір жас топтарына өткізіледі. Олар — 0-ден 18 жасқа дейінгі балалар, 30 бен 70 жас аралығындағы ересектер, тәуекел топтары. Бұл туралы МӘМС қоры Алматы облыстық филиалы өкілдері мәлімдеді. Айтуларынша, бұл келесі ауруларға жүргізіледі.
Олар:
- Мінез-құлықтық тәуекел факторлары
- Артериялық гипертонияны, жүректің ишемиялық ауруын және қант диабеті
- Глаукома
- Жатыр мойны обыры
- Сүт безі обырын қатерлі ісігі
- Колоректалды обыр
- В және С вирустық гепатиттері
Айтуларынша, скринингтен өту үшін мекен жай бойынша тіркелген емханаға хабарласу керек. Ол үшін әр емханада скринингтік бөлмелер бар. Өзіңізбен бірге жеке куәлік болуы міндетті.
