2024 жылдың 1 қаңтарынан бастап Қазақстанда полиция мен сақтандыру компаниясын шақырмай-ақ, «Европротокол» қосымшасы арқылы жол-көлік оқиғасын онлайн тіркеуге болады. Бұл туралы Жетісу облысының Өңірлік коммуникациялар қызметі ақпараттық алаңында өткен БАҚ өкілдерімен кездесуде облыстық Полиция департаментінің өкілдері мәлімдеді.
Спикерлердің айтуынша, бұл тәжірибенің бірқатар артықшылықтары бар. Атап айтсақ, азаматтарға полицияны күтудің қажеті жоқ және «Еурохаттама» бойынша шағын жол-көлік оқиғасы үшін жүргізушілер бұдан былай әкімшілік жауапкершілікке тартылмайды. Одан бөлек, сақтандыру төлемдерінің мерзімі қысқарады. Мәселен, бұрын 60 күнге дейін созылса, қазір шамамен 5 күн болады.
«Жол-көлік оқиғасы кезінде сақтандыру жағдайын реттеудің оңайлатылған тәртібін пайдалану шарттарымен апаттың қатысушылары полиция шақырмай және сот шешімінсіз декларация жасау арқылы жеделдетілген және оңайла-тылған түрде сақтандыру төлемін жасай алады», — деді Жетісу облысы ПД әкімшілік полиция басқармасының бастығы Диас Айнақұлов.
Еске сала кетейік, «Еуро хаттаманы» жүзеге асыру үшін бірнеше шарттарды білу маңызды. Біріншіден, көлікке келтірілген залал сомасы 100 АЕК (369 мың теңгеден) аспау керек. Екіншіден, азаматтардың өміріне немесе денсаулығына зиян келмей, апатқа қатысушылардың екеуінде де қолданыстағы міндетті автосақтандыру полистері бар, екі көліктің қатысумен орын алған жол-көлік оқиғаларын онлайн тіркеуге болады.
«Жаңадан шығып отырған бұл қызмет халық үшін өте тиімді. Жол-көлік оқиғасын рәсімдеу үшін «Европротокол» мобильді қосымшасын көшіріп, авторизациядан өтеді. Орын алған апаттың күнін, уақытын және орнын көрсетіп, жол-көлік оқиғасына кінәлі адамның және жүргізушінің деректерін енгізеді. Төрт жағынан мемлекеттік нөмірі бар көше мен көлік құралының фотосуреттерін түсіріп, хаттаманы жібереді. Одан кейін 5 күн ішінде жүйеден растауды күтеді», — деп түсіндірді полиция майоры Саят Ибраимов.
Егер көрсетілген шарттардың бірі болмаса немесе жүргізушілер апаттың мән-жайы туралы келісе алмаса олар полиция қызметкерлерін шақыруға және белгіленген тәртіппен ЖКО ресімдеуге міндетті.
Қазақстанда жол-көлік оқиғаларын «Европротокол» жүйесі бойынша тіркеу басталды
Жалпыға бірдей декларациялаудың III кезеңі 15 қыркүйекте аяқталады. Яғни, кәсіпкерлер, заңды тұлғалардың басшылары мен олардың жұбайлары осы уақыт аралығына дейін ел аумағындағы және шетелдегі активтері жөнінде дерек ұсынуы тиіс. Жалпы
Алматы облысында биыл сәуір айында жөндеу жүргізілген жол жүк тасымалының кесірінен қайта бүлінген
Учащихся 8-11 классов имеют прекрасную возможность поступить на отличный курс, пройти качественное обучение и стать сертифицированным программистом. Курс, разработанный профессиональной командой, позволит каждому стать обладателем качественного уровня объектно-ориентированного программирования и
6 мамырдан бастап елімізде жолда жүру ережелеріне қатысты жаңа өзгеріс күшіне енді. Енді тұтас бір жолақты сызықты басып, қарсы бағытқа шығып көліктен озғандар, жарты жылға жүргізуші куәлігінен айырылады. Жол қозғалысындағы