Алматы облысында 7 әлеуметтік нысан ашылады деп хабарлайды Өңірлік коммуникациялар қызметі.
«Қонаев» ӘКК» АҚ азық-түлік қауіпсіздігі департаментінің директоры Дианна Мұқашеваның ақпаратынша, өңірде тұрақтандыру қорын қалыптастыру үшін Үкімет резервінен 958 миллион теңгеден аса қаражат бөлініп, 2 жарым тоннаға жуық 7 түрлі бакалея өнімі алынған.
Нәтижесінде, бөлінген қаржы толық игеріліп, өңір аумағында халық жиі тұтынатын әлеуметтік маңызы бар өнімдерден тапшылық байқалмайды. Мұндай тауарлар облыс бойынша 42 сауда нүктесінде сатылады.
«Бүгінгі күні әлеуметтік маңызы бар тауарлар сатылатын 7 арнайы орын ашуды жоспарлап отырмыз. Жуырда Қонаев қаласында дәл сондай 2 дүкен өз жұмысын бастаған. Ондағы тауарлар бағасы жіті қадағалауда. Тұрақтандыру қоры нарықта аталған тауарлар бағасының өсуі кезінде бағаны төмен деңгейде ұстап тұруға мүмкіндік береді. Жалпы алғанда, «Қонаев» ӘКК» АҚөңір бойынша 40-тан аса сауда орнымен келісім жасаған. Бізбен жұмыс істеймін деген кәсіпкерлерге әрдайым ашықпыз», – деді Дианна Мұқашева.