2024 жылдың алғашқы үш айында Жетісу облысында интернет-алаяқтықтың 120 жағдайы тіркелді. Осындай ақпаратпен Өңірлік коммуникациялар қызметінде өткен брифингінде Жетісу облысы ПД криминалдық полиция басқармасы бастығының орынбасары Мәди Бағдат бөлісті.
Полиция майоры алаяқтықтың кең таралған әдістерінің бірі жеке деректерді алу арқылы банк қызметкерлерінің атынан қоңырау шалу, интернет хабарландырулар бойынша тауарға, қызметтер үшін алдын ала төлем жасау жолымен Instagram, WhatsApp, Telegram желілері арқылы, сондай-ақ, kolesa, olx.kz секілді қосымшалардан қылмыстардың жасалатынын атап өтті.
Интернет-алаяқтық жағдайларының көбеюіне жауап ретінде полиция департаменті онлайн-кеңістіктегі қылмыскерлерді анықтау және олармен күресу үшін арнайы дайындалған «Киберпол» мамандандырылған тобы құрылғанын мәлімдеді.
Сондай-ақ, қылмыстың алдын алуға бағытталған «Интернет-алаяқ-тықты тоқтату» іс-шарасының кеңінен қамтылғанын хабарлады. Осы әрекеттердің арқасында биыл алаяқтық жағдайларының саны 45-ке дейін қысқарып отыр. Спикер атап өткендей жыл басынан бері 120 қылмыстың 19-ы анықталды.