Өткен жылы Жетісу облысының аудандық және оларға теңестірілген соттарына 17 303 азаматтық іс пен талап-арыз келіп түсті. 2022 жылмен салыстырғанда түсімнің өсуі 26,7% — көрсетеді. Мұндай деректерді Өңірлік коммуникациялар қызметінің ақпараттық алаңында әкімшілік істер жөніндегі сот алқасының судьясы Диляра Избаирова бөлісті.
Спикер атап өткендей: «2023 жылы өтініштер бойынша 11 515 іс қозғалды. Олардың қатарында татуластыру рәсімдері, жеңілдетілген өндіріс, аумақтан тыс соттылық, сот төрелігін жүзеге асыру спасы, жаңадан ашылған немесе жаңа мән-жайлар бойынша өтініштерді қарау практикасы, ӘРПК, істерді апелляциялық тәртіппен қайта қарау және істерді кассациялық тәртіппен қайта қарау бар».
Қылмыстық істер жөніндегі сот алқасының судьясы Асхат Гапуовтың айтуынша, тергеу соттары бойынша 2023 жылдың басынан бастап Жетісу облыстық және оған теңестірілген соттар бойынша 3 256 өтінішхат пен шағым қаралды. Оның ішінде 3 097-сі қанағаттандырылды, ал 159-ы бас тартылды. ҚПК-нің 106-бабы бойынша прокурордың, қылмыстық қудалау органдарының әрекеттеріне және шешімдеріне шағымдарды сотта қарау тәртібінде 49 шағым қаралып, 40 шағым бас тартылды дейді.
Айта кетейік, 2023 жылдың 12 айында Жетісу облысының соттары 65 тұлғаға қатысты 180 348 480 теңгеге айыппұл салынған. Бұл ретте 35 адамға қатысты 163 мың теңгеге жуық айыппұл сыбайлас жемқорлыққа байланысты салынған.
-