БАҚ өкілдері мен блогерлер Текелі қаласындағы жылу құбырларына жүргізіліп жатқан жөндеу жұмыстарымен танысып, Ескелді ауданы, Шымыр ауылындағы газ тарату стансасы мен Талдықорған қаласындағы «Басқуат» қазандығында болды.
Жетісу облысының энергетика және тұрғын үй-коммуналдық шаруашылық басқармасының басшысы Айдос Бекетаев жылу жүйелерін жаңғырту және сенімді жылумен қамтамасыз ету жоспарларына жеке тоқталды. Қыс мезгілін тұрғындарға жайлы ету үшін барлық жұмыстар жоспарға сай жүргізілуде.