«AMANAT» партиясының Алматы облыстық мобильді қоғамдық қабылдау тобы Жамбыл ауылында болып, тұрғындардың өзекті сұрақтарын тыңдады.
Қабылдау тобының құрамында облыстық және аудандық мәслихат депутаттары, сондай-ақ облыстық басқарма басшылықтары және мамандары болды. Ауыл жұртшылығы су тапшылығы, заңға өзгеріс енгізу және денсаулық сақтау саласы бойынша мәселелерін көтерді.
Өз кезегінде мобильді топ өкілдері біршамасына қабылдау кезінде нақты жауаптарын берсе, қалған түйіткілді мәселелердің тізбесін жасап, партия өз бақылауына алды.
Алдағы уақытта жергілікті атқарушы органдармен бірлесе отырып, өтініштердің оңтайлы шешілуі бойынша нақты жұмыстар жүргізілетін болады.