Өңірде сұйытылған газды тиімді пайдалану мақсатында, газбен жабдықтау нысандары есепке алынады.Бұл туралы баспасөз мәслихатында газбен жабдықтау жүйелері объектілерінің, қысыммен жұмыс істейтін жабдықтарды және магистралдық құбырларды мемлекеттік бақылау және қадағалау бөлімінің бас маманы Жанбатыр Сансызбай айтты.
Спикердің айтуынша, есепке алу жүйесінің ерекшелігі көп. Мәселен, тізілім жасаудың артықшылығы- біріншіден, сапаны жақсарту.
Аталған есептік жүйе, жеткізушілер, тұтынушылар, тарату аймақтары туралы жүйелі мәліметтер базасын ұсынады.
“Қазақстан Республикасы Төтенше жағдайлар министрінің 2023 жылғы 13 қарашада тізілім иелерін жүргізу қағидаларын бекіту туралы бұйрығы бекітілді. Газ толтыру станциялары, газ толтыру пункттері, автожанармай құю станциялары және өнеркәсіптік тұтынушылары есепке алынып,мемлекет тарапынан субсидия бөлінеді. Бұл үшін есепке алу бойынша,жауапты органға өтініш қалдыру қажет. Ол 10 күн аралығында қаралып, шешім қабылданған уақытта өнеркәсіптік қауіпсіздік комитетіне жіберіледі”,- деді Жанбатыр Сансызбай.
Айта кетейік, облыста сұйытылған мұнай газын қабылдау, сақтау және өткізу бойынша 7 газ толтыру станциясы жұмыс істейді. Сонымен қатар 29 кәсіпорынға тиесілі 249 автогаз құю стансалары бар.
-