2024 жылдың бірінші жартыжылдығында осы аурулардан болатын өлім-жітімнің өсуі байқалды. Жыл сайын бұл көрсеткіш артып келеді.
Жүрек жеткіліксіздігінің өсуін азайту үшін дәрігерлер басқа елдердің мамандарымен тәжірибе алмасады. Жыл басынан облыстық кардиологиялық орталықта екі шеберлік сабағы өткізілді. Орталыққа Германия мен Польшаның кардио мамандары келді.
«Бұдан басқа, облыста медициналық туризм дамуда, бүгінгі таңда республиканың басқа облыстарынан ғана емес, әлемнің басқа елдері мен қалаларынан да пациенттер келуде. Сонымен қатар облыс тұрғындарына консультациялық-диагностикалық бөлімшеде 20 мыңнан астам науқасқа консультациялық-диагностикалық қызметтері көрсетілді, олардың 65%-ы ауыл тұрғындары.Қызметтер арасында кардиолог, кардиохирург, аритмологтың кеңестері бар. Сондай-ақ, қан айналымы жүйесінің аурулары өлім-жітімі жоғары аудандарға мамандар тобын жіберу ұйымдастырылды. Алғашқы медициналық жедел жәрдем дәрігерлерін жүрек-қан тамыры ауруларын ерте диагностикалау бойынша жұмысты күшейту мақсатында оқыту жүргізілуде», — деді облыстық кардиологиялық орталықтың директоры Нұрсан Сурашев.
Бүгінде облыстық кардиологиялық орталығында 2000-3000 мыңға жуық ота жасалады. Қазіргі уақытта жастар арасында жүрек аурулары жиілеп келеді, инфарктың жасарып келе жатқан белгілері бар. Мәселен, қан-тамыр ауруларының скринингы 40 жастан 70 жас аралығындағы адамдарға жасалады. Бірақ бүгінгі күні 30 жастағы жастар ауруханаға түсіп, қызметке жүгінуде.