Жетісу облысында қызылша ауруымен сырқаттанушылық тұрақталып келеді. Өңірде қызылшаның алғашқы нақтамасымен 1122 жағдай тіркеліп, оның 797 зертханалық сараптамамен расталған. Олардың басым көпшілігі 5 жасқа дейінгі балалар, яғни 54,2%.
Айта кетерлігі ауырғандардың 79,4% бұрын қызылшаға қарсы вакцинация алмаған
Жалпы, қызылшаның алдын алудың ең тиімді жолы – вакцинация, арнайы емі жоқ. Сондықтан, аурудың таралуын болдырмау үшін тұрғындардың вакцинациямен жоғары деңгейде қамтылуын қамтамасыз ету қажет. Бұл мақсатта Ұлттық профилактикалық егу күнтізбесіне сәйкес балаларға қызылшаға қарсы жоспарлы егу 12-15 айлығында және қайта егу 6 жаста жүргізіліп жатыр.
Сонымен қатар, қосымша жаппай иммундаумен облыста 48284 адам қамтылды, оның ішінде 6-10 айдағы балалар 5115 2-4 жастағылар 31065, медициналық қызметкерлер 3577, екпелерді өткізіп алған 18 жасқа дейінгі тұрғындар 8527.