Цифрлық даму, инновациялар және аэроғарыш өнеркәсібі министрі Б. Мусин 100 оқушыдан аспайтын шағын ауылдық мектептерге SpaceX компаниясынан интернет орнату бойынша келіссөздер жүргізіліп жатқанын айтты.
«Біз интерпраз шешімін сатып алуға келістік. Оған әлдеқайда көп адам қосыла алады. Бұл шынымен де ауылдық мектептердегі интернет мәселесін шешеді. Біз оны Алматы облысындағы 10 мектепте сынақтан өткіздік. Мұғалімдер де, оқушылар да жаңалықты құптады. Сондықтан оны Қазақстан бойынша таратуды жалғастырамыз», – деді ол.
Министр бұл байланыстың Қазақстан үшін арзанырақ болатынын атап өтті.
«Дереккөздер SpaceX өзі ұсынған прайс-парақтардың негізінде құны туралы айтады, бірақ біз корпоративтік келісімшарт жасасамыз, қазір шарттар қорытындыланып жатыр. Келісімшартты аяқтауға және қол қоюға екі апта кетті, екі аптадан кейін барлық ақпаратты айтамын. Барлық мәліметті міндетті түрде жеткіземіз. Бүгінгі келіссөздердің бойынша бір нүктеге шамамен 200 доллар кетеді, яғни бұл ай сайынғы төлем. Бұл қаржыға құрылғылар кірмейді», – деді Мусин.
Министр бағаларды спутниктік байланыс құнымен салыстырды.
«Шамамен айына 200 доллар. Қазіргі уақытта спутниктік Интернет үшін сома секундына 4 мегабит. Спутниктік интернетті жеткізу үшін біздің әкімдіктер мен білім басқармалары қазір 1,5-3 миллион теңгеге жуық қаражат жұмсауда», – деді министр.
Айта кетейік, бүгін Бағдат Мусин Қазақстанда Илон Масктың SpaceX Starlink компаниясының интернеті пайда болғанын хабарлады. Ол Алматы облысында шалғайдағы 10 мектепке қосылды.
Еске сала кетейік, бұған дейін Бағдат Мусин ауылдарды интернетпен қамтамасыз ету үшін Илон Масктың SpaceX ғарыш компаниясына жүгінуге мәжбүр болғанын айтқан еді.