Жетісу облысы бойынша Ішкі мемлекеттік аудит департаменті тарапынан ағымдағы жылдың соңғы 11 айында 106 жоспардан тыс және 14 жоспарлы аудиторлық іс – шара жүргізілді. Атқарылған жұмыс нәтижесі бойынша өңірдегі аудитпен қамтылған қаражаттың жалпы көлемі 16 988,7 млн теңгені құрайды. Арасындағы камералдық бақылау бойынша анықталған мемлекеттік сатып алу сомасы 4 412,5 млн. Осы жайында Өңірлік коммуникациялар қызметі ақпараттық алаңында Облыстық Ішкі мемлекеттік аудит департаменті башысының орынбасары Қуаныш Сағымбаев баяндап берді.
Комитеттің тапсырмалары, құқық қорғау органдарының жіберілген шағымдары мен өтініштері, сондай-ақ жеке және заңды тұлғалардың «е-Өтініштер» арқылы түскен арыз-шағымдары жоспарсыз тексеріске негіз болған.
«Есепті кезеңде жүргізілген аудиторлық іс-шаралардың қорытындысы бойынша анықталған бұзушылықтарды жоюға және оларға жол берген жауапты тұлғалардың жауапкершілігін қарау мақсатында аудит объектілеріне 111 нұсқама жіберілді. Оның 86-сы орындалды. 6 нұсқама бойынша орындау мерзімі келген жоқ. Қалған 19-ының 13-і бойынша тексеру материалдары Жетісу облысының прокуратурасына берілді. 6 нұсқама бойынша сот процессі жүргізілуде. Жүргізілген бармақ бастылық нәтижелері бойынша бақылау объектілерінің 113 лауазымды тұлғалары тәртіптік жауапкершілікке тартылды. Кербұлақ ауданы бойынша білім бөлімінен — 1, Коксу ауданының аталған орнынынан — 2, Жетісу облысының білім басқармасынан – 1 тұлға жұмысынан босатылды. 314 лауазымды тұлғаларға 23,7 млн. теңге әкімшілік жаза қолданылып, 15,5 млн. теңге мемлекет әмиянына қайтарылды. Қалған 8,2 млн теңгесін бюджетке өндіру бойынша жұмыстар жүргізілуде.», — дейді Қуаныш Сағымбаев.
Биыл аталған департаментке бақылау жұмыстарын жүргізу бойынша есепті кезеңде жеке және заңды тұлғалардан барлығы 1 123 өтініш келіп түскен. Сұраныстың 1 029-ы қаралып, 60-ы қайта бағытталды. 34 өтініш қаралуда.