Бүгін, 23 тамызда, жазушы, журналист және тележүргізуші Қанат Тілеухан Іле ауданының Өтеген батыр ауылындағы сайлау учаскесіне келіп, Құрылтай депутаттарының сайлауында өз таңдауын жасады.
Қанат Тілеухан – Қазақстан Жазушылар одағының мүшесі, документалист, «ҚР Мәдениет саласының үздігі» және «ҚР Ақпарат саласының үздігі» төсбелгілерінің иегері.
«Бүгін камераның ар жағында емеспін»
— Журналист ретінде талай қоғамдық оқиғаны сырттан бақылап, сол сәттерді көрермен мен оқырманға жеткізуге тура келеді. Ал бүгін камераның ар жағында емес, учаскеге келген қарапайым тұрғындардың бірімін, — деді Қанат Тілеухан.
Қаламгердің шығармашылық жолы әдебиет, журналистика және деректі кино салаларын тоғыстырады. Бұл жолы ол қоғамдық оқиғаны түсірген жоқ – оның бір сәтіне өзі қатысты.
