Талдықорған мен Текелі қалаларындағы ауаның ластану деңгейі төмен, ал 2024 жылдың бірінші жартыжылдығында шығарылған зиянды қалдықтардың көлемі 9,7 мың тоннаға жетті. Бұл туралы Өңірлік коммуникациялар қызметінде өткен баспасөз мәслихатында мемлекеттік органдар мен коммуналдық кәсіпорындардың өкілдері баяндады.
Негізгі проблемалар ретінде тозығы жеткен кәріздік тазарту құрылғылары мен қалдықтарды басқару жүйесінің жеткіліксіздігі атап өтілді. 2021 жылдан бастап экологиялық инфрақұрылымды жақсарту бойынша шаралар іске асырылуда. Атап айтсақ, 6 қазандық газға ауыстырылды, кәріз желілері жаңғыртылуда, тұрмыстық қатты қалдықтарға арналған полигондар салынып, рекультивация жасалуда.
Болашақта қалдықтарды сұрыптау және қайта өңдеу жүйесін дамыту, сондай-ақ, экологияны жақсарту бойынша кешенді бағдарламалар әзірлеу жоспарлануда. Мәселелерді шешу үшін экологиялық төлемдерді инфрақұрылымдық жобаларға бағыттау және шағын және орта бизнесті тарту ұсынылды.
Жетісу облысындағы экологиялық жағдай тұрақты
